اقعد....ضرب مورفيوس بقبضة يده الطاولة التي أمامه و قال :
لويش بتهرب العرافة قالتلي انك انتا المختار و انتا راح تنقذ العالم من الماتركس اللي حطوها الرؤوس الكبيرة الناس البسيطة اللي مثلي و مثلك مش عارفين خبايا الأمور راح أضربلك مثال الوضع في البلاد العربية شو رأيك في؟؟
قام مورفيوس من على الكنبة و لوح بيده فظهرت مشاهد من مظاهرات في بلد عربي و نظر إلي: ها شو رأيك؟؟
مططت شفتي و قلت : ثورات الناس زهقت و بدها الحرية يعني باختصار بدهم يقضو عل الماتركس ....
ابتسم مورفيوس ابتسامة خفيفة و قال : وانت مفكر انتا انو اللي حط الماتركس واحد غبي مش حاسب الحساب القصة أو مش هو اللي
مخططلها أصلا؟؟ !أ! بتعرف انه بحرب ليبيا شركات السلاح بتشتغل زي العسل؟ بتعرف انه لما ادمرت العراق شركات الاتصالات و البنية
التحتية عملت مصاري عفق يا قرابة مش قلتلك انه العالم عايش بوهم كبير الرووس الكبيرة بتحركو زي ما بدها ....
قمت أنا أيضا من على الكنبة متسائلا و قلت له : مين هاي الرووس يعني ؟؟ أوباما ؟؟ ؟ القذافي ؟؟ خالد شاهين ؟؟ ...
فضحك مورفيوس و قال : يا خال هذول كلهم ولا اشي هذول دمى سياسية ، في ورا الكواليس رووس قد مخك التنح قابضين الدنيا بايديهم بالفلوس و عاملين هما الماتركس ، و مش كل الرووس واحد في رووس الها برامج صغيرة في الماتركس زي بعض الناس عنا بالبلد و في رووس كبيرة كثير بتلف الأرض كلها على أصبعها يابا ...
تحركت عندو و قلتلو : و انا شو بقدر أساوي قلبت راسي يا زلمة ؟؟؟؟ ..
حط ايدو على كتفي و قللي : تفوت عل الماتركس و تحرق عرظو بس دير بالك يلقطوك الفايروسات لأنك ازا لقطوك بالماتركس راح راحت يا كبير! عمرك ما بتبين !!
خوذلك هالحبة الحمرا و قول يا ساتر ! ياللا حبيبي يا شافي يا معافي.
تزولعت الحبة الحمرا ! وقلولتلو طيب بعدين ؟
أنا راح أحملك برامج الفساد و الرشوة واستخدام الألاعيب و الابتزازات, وشوية عقود كازينوهات و تقارير طبية من اللي بالي بالك ...
أخرج موبايله من جيبه و وضعه على أذنه و قال : صقر حمل البرامج ..، ،
Mo2a8at
ليست هناك تعليقات:
إرسال تعليق